عدت اليكم من جديد بما هو جديد

السلام عليكم بعد فترة غياب بسبب انجابي لابنتي فاطمة الزهراء التي ولدت يوم 15/02/2012


اخترة اليوم بمناسبت ولادتها ان اقدم لكم هذه النكت المغربية اتمنى ان تنال اعجابكم





*******************

واحد المبوق بغى يسيفط مـيـسـاج لمرتو


كتب ليها: إلـى أرق وأعـذب و أحـلـى وأجـمـل وأكـرم وأشـرف وأحـمـد وابـراهـيـم وحـسـن والـدراري كامـلـيـن الله يـحـفـظـكـم !!

************************************************

هادا واحد المبوق عينيه خارجة
قال ليه واحد الراجل : مال عينيك خارجة ؟
قال ليه المبوق : لا غير أنا اللي راجع اللور

************************************************

هادا فروج كيودن فوق الشجرة، وواحد الديب واقف تحت الشجرة


ملي سالى الفروج، قال ليه الديب : فعلا لا إله إلا الله. أش بان ليك تنزل نصليو جماعة؟




************************************************

هادا واحد مكلخ ضرباتو طوموبيل، ناضو عطاوه مية ألف ريال تعويض
من بعد، مشى للمحطة ووقف ف السكة ديال التران، و قال: أراااااااااااااااااااااك للملايين


************************************************

واحد قال لصاحبو مبوق : عرفتي أنا إيلا شربت القهوة ما كنقدرش ننعس
قال ليه المبوق : أنا العكس ديالك، إيلا نعست ما كنقدرش نشرب القهوة



************************************************

هادو جوج مبوقين، ناض واحد فيهم كيفهم على صاحبو
قال ليه: قول ليا مع من مصاحب نقول ليك شكون نتا
قال ليه صاحبو: مع من مصاحب؟
قال ليه المبوق: شكون نتا؟

************************************************

سولو واحد مبوق: شكون اللي طويل؟ الليل أولا النهار؟
قال ليهم المبوق: أنا صراحة عمرني ما شفتهم واقفين واحد حدا لاخور باش نعرف



************************************************

هادا واحد مبوق سول صاحبو:فين تولدتي؟

قال ليه صاحبو: ف السبيطار
قال ليه المبوق: مالك أصاحبي كنتي مريض؟




************************************************



واحد الولد قال لأمه: مي، محتاجك تمشي معايا غدا للمدرسة
قالت ليه أمه: علاش أولدي؟
قال ليها الولد: قال لينا الاستاد اليوما، اللي ما جاش داير التمارين غدا غادي نضرب مو




************************************************

هادوا تلاتة ديال الصحاب تفارضو فدجاجة محمرة وشراوها
منين جاو ياكلوها مالقاوش الخبز، ناضو صيفطو واحد منهم يجيب ليهم الخبز
تسناوه ساعة ما جاش
تسناوه ساعتين ما جاش
تسناوه تلت سوايع ما جاش
طلع ليهم الدم، وقالوا صافي عيق، ملي يجي ياكل هو الخبز
وهو نيت يخرج ليهوم من مورا الباب، وقال ليهم: شفتوا كون مشيت؟





..................

-البنت : هانا جيـــــــــــت

-الاب : فين كنت اديك اللفعة

-البنت : فالمدرسة ا بابا

-الاب : 8 دالـــيل هادي

-البنت : لا لا ا بابا من كنت جايا تفكرت نسيت ستيلواتي عند حنان و هاد الليلة تابعني واحد البحت وخصني ڭاع الالوان
و من مشيت شدوني دارهم شربت اتاي

-الاب : اتاي!!! واخا زيدي دخلي

-البنت : بابا ...فينها ماما

-الاب : راها ڭالسة فالصالة مع صاحبتك حنان و ماماها
ولكن اجي معايا لصطح نوريك الالوان اللي تستعملي فالبحت ديالك
.............



................

هادا واحد راجل جا عندو واحد دري قاليه بغيت نخطب بنتك...قاليه اشنو كادير فخدمتك ؟ قاليه كانبيع ونشري فالارض او الطونوبيلات ...
صافي زوجو بنتو...واحد نهار لقاه كايبيع الطونوبيلات ديال عاشورة حدا الباب ، قاليه حصلتي آولد الحرام ، ياك قلتيلي كاتبيع اوتشري فالارض ،
قاليه علا مالي كانبيع او نشري فالسما.
..............