[center]
1 قالك وحد النهار راجل شري برابول وقال لزوجتو راكي تشوفي في هذا البربول تقدري تشوفي العالم وتحوسي فيه بلا ما تخرجي من دارك قاتلوإيملا دور القصعة من جهة تندوف انشوف خالتك ولا جابت مولود ولا والو.
*****************
2قالك وحد السيد شري برابول كان ابوه يتفرج ملا شاف الغنم تعجب سقسا ولدو قالو منين راك مدور القصعة قالو من جيهة الزريبة قالو إيملا غدو نصرحو غير من الدار بالتيليكوموند.
******************
3قالك واحد السيد عندو تلفزيون وشاتي يشريي برابول باش يتفرج فيه وماعندوش الدراهم واش دار راح باع التلفزيون وراح شري قصعة وديمو.
******************
4 قالك وحد المرأة سقساها بنها وشبيها كرشك منفوخة قاتلو يا بني هذا خوك لراح يزيد قالها تحبيه قاتلو إيه نحبو قالها كي عدتي تحبيه علاش كليتيه
*******************
5 قالك زوج مرواة يتحاكاو قالتلها دارو إحصائيات في الصين لقاو كل 3 ثواني يزيد مولود............. ردة عليها إيه عليها مطوريين عليينا احنا نقعدو 9اشهر في بطنامهاتنا ماكلين شاربين راقدين
واحد الكلب قعد ينبح حتى ضرو راسو.....علاه..كان ينبح في واحد اطرش
................
زوج كباش تفاهمو مع بعض ..كل واحد يعور الاخر ..باش ما يدبحوهمش فالعيد الكبير
................
حمار شاف خطيبته (حمارة)قالها"وقتاش نتزوجو يا حمارة" قاتلو"كي تريقل هدرتك يا واحد الحمار
................
قالك واحد الجزار راح يخطب قالولو "لازم تدفع خمسة ملاين مهر قاللهم "علاش شحال للكيلو "
................
واحد فنيان يخدم في حانوت تاع الدجاج يبيع الدجاج حي جات عندو وحدة و قالتلو "شوفلي دجاجة فيها 2كيلو". ايا شاف مليح فالدجاج وقال"اللي فيها 2كيلو تنوض "
................
واحد قال ليماه بغيت نتزوج بوحدة بيضة وطويلة وخدامة ...قالتلو شوف كاش فريجيدار
................
عربي وأمريكي وياباني حطوهم على جهاز كشف الكذب الياباني قال "احنا رانا نفكرو نصنعو إنسان آليونستغناو عن البشر"فبدا الجهاز يسينيالي ...الامريكي قال " احنا رانا نفكرو نسكنو فالمريخ " فبدا الجهاز يسينيالي ..العربي قال " احنا رانا نفكرو.." وقبل ما يكمل هدرتو بدا الجهاز يسينيالي
................[/center]
شباب
الأربعاء مايو 25, 2016 7:45 am من طرف 2hms
موضوع: نـــكـت 2010 
